Azken Gogoeta 2014/12/17

Atzoko klase magistralean azken aurkezpen teorikoak izan genituen.  Lehen taldeak jorratu zuen gaia "PLE eta MOOK kontzeptuak" izan zen eta ondorengo taldeak oso azalpen didaktikoa burutu zuen telebistako programa famatu bat imitatuz.

Kurtsoko azken saio praktikoan zentratuz, QR kodeekin hasi gara lanean. QR-ak iruditxo batzuk dira eta pilo bat kode dituzte bere barnean. Hauei telefono mugikorrarekin kamerarekin enfokatu ezkero norabaitera bideratzen zaituzte. Gure blogarentzat QR bat sortzeko aukera ere izan dugu, horretarako Unitag webgunea erabili dugularik.

http://www.netquest.com/es/blog/%C2%BFque-puede-aportar-un-codigo-qr-a-la-investigacion-de-mercados/

Azkenik, infografiak sortzeko programa batekin aritu gara: Easelly. Honen bidez sortutako infografien bidez edukiak askoz ere errazago eta modu dinamikoago batean barneratzen dira, hona hemen adibidea:

http://www.taringa.net/posts/info/17316449/Crea-infografias-facilmente-con-Easel-ly.html

Gaurkoa azken klasea izanik balorazio orokor bat egiteko garaia dela ikusten dut. Oso gustora sentitu naizen ikasgaia izan da IKT. Batez ere klase praktikoetan hainbat gauza ikasi dudala sentitzen dut; ezagutzen ez nituen tresna ugari erabili ditut, etorkizunean erabili ahalko ditudan baliabide batzuk ikusi ditut... Azken finean, ikasgai honek hasiera batean nituen helburuak bete ditu.

Beste alde batetik, esan beharra dago ostegunetan genituen klase praktiko biak batera izateak bukaerarako klasea oso astun eta nekagarria egitea eragiten duela askotan eta hori egokia den edo ez aztertu egin beharko litzateke hurrengo urteetara begira.

Orokorrean, esan bezala, oso gustura nago ikasgai honetan eraman dudan ibilbideaz, gauza berri ugari ikasi baititut lauhileko honetan zehar. Horrenbestez, blog honen bukaeraren aurrean gaudela esan beharra dizuet irakurle guztioi.  

ESKERRIK ASKO!

Gogoeta 2014/12/10

Aupa! Atzoko klase magistralean hiru talderan aurkezpena izan genuen. Azken aurreko klasea izanda eta talde asko falta zirela ikusita hiru aurkezpen egitea erabaki zen. Lehen taldearen gaia "La web 2.0 en escena" izan zen eta bigarren taldea "e-learning" -ari buruz aritu zen. Azkenik hirugarren taldearen txanda izan zen.

Gaurko klase magistralari erreparatuz, gaur Hot Potatoes programa erabiltzen hasi gara. Honen bidez ariketak sortzen dira, hainbat motatakoak izan daitezkeenak: letra zopak, gurutzegramak, etab. Binaka jarri gara eta ariketa pae bat diseinatu ditugu.

http://rebeca2014ikt.blogspot.com.es/2014/12/hot-potatoes-denborapasak-eta-ariketak.html

 

Ondoren bideo interesgarri batzuk sortzeko Go! Animate programari buruz aritu gara. Gainetik aztertu dugu eta tutorial edo azlapen bideo bat ikusi dugu honekin nola lan egin daitekeen ikusteko.

https://www.youtube.com/watch?v=Wxch7vl4CcU

Hau eta gero, komikiak sortzeko oso interesgarria iruditu zaidan web orrialde batera jo dugu, Pixton webgunera hain zuzen ere. Horrela, binaka komiki bat sortu dugu, egia esan harrituta geratu naiz eskaintzen dituen baiabide anitzak probatzen ibili naizen bitartean. Oso komiki ederrak sortu daitezke eskaintzen dituen trenekin. Hona hemen adibide bat:

http://de3a10.blogspot.com.es/

 

Azkenik, klaseari amaiera emateko, audioa lantzeko programa ezberdinak ikusi ditugu taldeka: goear, spreaker, etab. Nire kasuan goear programan ibili naiz probak egiten. Bertan musika entzun daiteke eta denetarik gainera, bilatzailearen bitartez norkbere gustuko musika entzun dezake, baita ordenagailko musika igo ere.

http://maestros20.webnode.es/multimedia/goear/

Gogoeta 2014/11/26

Kaixo lagunok! Hemen nago astero bezala IKT ikasgaiak ematen dizkigun gora beherak kontatzeko asmoz. Atzoko klase magistralean beste talde biren aurkezpenak ikusi genituen. Lehen taldeakaurkeztu zuen gaia "Interneten arriskuak" izan zen eta izenak dioen bezala, internetek dituen arriskuak azaldu zituzten, gehien bat hezkuntzara begira. Ondoren etorri zen taldeak "Segurtasuna interneten" gaia landu zuen, aurreko taldearen artikuluaren jarraipen modura. Hauek interneten seguru ibiltzeko jarraibide batzuk eskaini zituzten.

Gaurko klase praktikoari dagokionez, ikasleentzat ariketak sortzeko edota erabiltzeko dauden programa batzuk aztertu ditugu. Hasteko, Ardora programa ikusi dugu. Bertan ariketak diseinatu daitezke, gure etorkizuneko ikasleek gai bat lantzea nahi badugu, horren inguruko ariketa diseinatu dezakegu tresna honen bitartez.

http://bitacorasdesimplekaay.blogspot.com.es/2013/05/ardora.html

http://clic.xtec.cat/es/jclic/curs/d73m5/d73m5t6.htm

Ondoren, beste webgune bat ikusi dugu, Zona Clic izenakoa. Hemen ez dira ariketak sortu behar, ariketak sortuta daude jada eta bilatzea baino ez da behar. Bilatzailean nahi dugun gaia jar dezakegu eta honi buruzko ariketak egon ezkero, betan agertzen dira. Oso interesgarria iruditzen zait klasean landutakoa beste formatu batean (digitalean) lantzea, umeak apurka apurka ohitzen joan daitezen.

http://www.adrformacion.com/cursos/educaplay/educaplay.html

Hirugarrenez, Educaplay plataforma aztertu dugu. Hau aurreko programa bien arteko "mix" bat dela esan daiteke, izan ere, ariketak sortzeko aukera emateaz gain, aurretik sortuta dauden ariketak erabiltzeko aukera ematen digu. Klasean binaka jarri gara eta ariketa bat sortu dugu:

http://www.educaplay.com/es/recursoseducativos/1668087/ordenagailuaren_zatiak.htm

Klasearen azken txanpan Storybird webgunean sartu gara. Hau ipuinak sortzeko trensa oso on bat da eta klasean bakoitzak bere istoriotxoa sortzeko denbora izan du. Egia esan, ikasgai honetan landu ditugun tresna gehienak bezala, hezkuntza mundurako oso baliagarria iruditzen zaidan webgunea da hau. Hona hemen nik klasean sortutako ipuintxo laburra:


https://storybird.com/chapters/jokin-eta-mamuta/?token=2va9yrvng7

http://tutorialesedutic.wikispaces.com/Storybird

Gogoeta 2014/11/19

Atzoko klase magistralean ere bi talderen aurkezpenak izan genituen. Talde biek gai berdintsua jorratu zuten, azpigai ezberdinei garrantzia gehiago emanez.

WebQuest metodologia lantzen hasi gara.Bernie Dodgek zioenez, informazio gehiegi dago interneten umeen esku eta horri aurre egieko sortu zuen metodologia hau. Metodologia honetan internet bidezko bilaketa ematen da, bilaketa gidatua. Ikasleari galdera bat ematen zaio eta horren erantzuna bilatu beharko du bilaketa gidatu horren bidez. Oso metodologia interesgarria iruditzen zait honako hau, interneten bilaketa lanak egiten ikasten dute ikasleek baina modu kontrolatu batean, arriskutik at. Hemen dituzu WebQuest batzuk.

Sei atal izan ohi dituzte WebQuest-ek:

http://imantilla07.wordpress.com/webquest/

1. Sarrera: Bi helburu ditu: Ikaslea gaiaren inguruan bideratzea eta Ikaslearen motibazioa sustatzea. 
2.  Zeregina: Lortu behar duen zeregina zehazten zaio. 
3. Prozedura: Zeregina lortzeko ema behar diren urratsak eta lan egiteko moduari buruzko orientabideak ematen dira. 
4. Baliabideak: Informazio bilaketan denbora alferrik ez galtzeko ematen direnak (webguneak, entziklopedia digitalak…).
5.  Ebaluazioa: Ebaluazioa zer den eta kontutan hartuko diren irizpideak. 
6. Ondorioak: Komunean hausnarketa egiten da: prozesuaz, zailtasunaz, etab.   

 

Bestalde, hauek dira WebQueste-en ezaugarri nagusiak:

• Gaitasun intelektualaren garapenaren laguntzaile da.
• Transmititu eta konpartitu daitekeen metodologia da.
• Metodologia malgua da.

Gaiarekin bukatzeko, WebQuest motak bereiztuko ditugu iraupenaren arabera:

• Iraupen motza: 1-3 ekintza. Gaia ezagutu eta antolatu.
• Iraupen luzea: aste 1 edo hilabete 1. 
• Miniwebquest: Oso motza.

Beraz WebQuest metodologiarekin ikasleek bilaketa lanak egiten ikasten dute modu kontrolatu batean. Honetaz gain lan kooperatiboa ere landu daiteke taldeka lan eginez. Azken finean, gaur egun IKT-ek eta internetek gizartean duten garrantzia ikusita, modu ezin hobea da WebQuest metodologia ikasleak mundu honetan abiarazteko, modu gidatu eta seguru batean.

http://region6pd.ncdpi.wikispaces.net/Padlet+2

Gaia aldatuz, ondoren Padlet programarekin ibili gara. Honen bidez hormairudiak edo muralak sortu ditugu binaka. Ni Erlantz Pazosekin jarri naiz eta ordenagailuen bilakaera erakusten duen mural bat soru dugu. Gero klasearen aurrean jartzea egokitu zaigu, egindakoa apur bat azalduz. Oso baliagarria iruditu zait hau hezkuntzara eramateko, horrelako mural koloretsu eta erakargarriak oso aproposak iruditzen zaizkit ikasleei gauzak irakatsi ahal izateko.

Azkenik, klasearen azken zatian soinua lantzen aritu gara. Lehenik eta behin youtubeko bideo baten soinua deskargatzen ikasi dugu Convertidor de youtube mp3 programarekin. Ondoren soinu edo abesti hori Audacity-rekin zabaldu eta mikrofonoen bitartez gure ahotsa sartzen ikasi dugu. Egia esan hasieran ahotsa entzuteko arazoak izan ditut baina gero ondo moldatu naiz. Oso ariketa entretenigarria iruditu zait hau.

http://munagorrilh6.blogspot.com.es/2013_01_01_archive.html

 

 

Gogoeta 2014/11/12

Klase magistralean bi taldek egin genuen aurkezpena. Nire taldearen gaia "IKT-ak, hezkuntza aireberritzeko aitzakia" izan zen eta IKT-ek gaur egungo hezkuntza sisteman duten eta eduki beharko luketan lekuari buruz aritu ginen. Gure ondoren aritu zen taldearen gaia "Internet eta eskola" izan zen.

Gaurko klase praktikoari dagokionez, bibliografia egiteko arauekin hasi gara hasieran. Hauek oso garrantzitsuak iruditzen zaizkit, burutu behar dugun modulu lanerako eta beste hainbat lan ezberdinetarako behar-beharrezkoak direlako. Lan serio eta antolatu batek bere bibliografia APA arauak kontuan hartuta erikita izan behar du.

Gai hau bukatu ondoren, interneten markagailuak jartzeko balio duten zenbait web orrialde ikusi ditugu: Delicious eta Connotea esaterako. Oso erabilgarriak iruditu zaizkit pertsonalki, beste pertsonekin gustuko link eta web orrialdeak elkarbanatzeko erraminta egokiak dira.

Microsoft Word programarekin ibiltzeko denbora ere izan dugu. Nahiz eta gehienok aspalditik erabiltzen dugun programa izan, gaur ikusi ditugun zenbait erabilpen ez nituen ezagutzen oraindik. Programa honetan hainbat gauza nola egin azaldu du Karmelek: letra-tartea aldatzea, orrialdeetan tituluak jartzea edota markatzaileak besteak beste.

Klasearen azken zatian, modulu lanean bideo bat egi n behar dugunez, bideo batzuk aztertu ditugu. Hauetan zenbait alderditan fijatu gara: musikan, irudian eta pertsonaien ahotsean batez ere. Horrela, bideoek zituzten akatsak ikusiz, gure lanetan kontu gehiago izango dugulakoan gaude eta emaitza hobetzeko balioko digu.

Hona hemen klasean ikusgai izan dugun bideoetako bat: "El maltrato sutil"

Gogoeta 2014/10/29

Atzoko klase magistralean taldeka burutu beharko ditugun gai teorikoen azalpenekin hasi ginen. Lehen taldearen aurkezpena ikusi genuen eta hauen gaia "5 urteko haurrak mezu elektronikoak idazten" izan zen. Aurkezpenaren amaieran Karmelek egin zituen zuzenketetan jarri nuen harreta, izan ere, datorren astean nire taldeari egokitzen zaio aurkezpen teorikoa egitea.

Gaurko klase praktikoari dagokionez, blogaren inguruko ariketekin hasi gara. Hemen gure blogetan gadgetak sartzen ikasi dugu eta nire kasuan Ander Ruiz-ek sortutako "Keep Calm" bloga jarri dut hasieran. Ondoren, Creative commons eta Copyscape -ren bidez gure bloga babestu dugu, beraz, lehenenik lizentzia bat sortu diogu gure blogari eta bigarrenik plagioaren aurka babestu dugu.

Honen ondoen, guztiz aldatu dugu klasearen norazkoa eta, bloga alde batera utziz, irudien lanketan murgildu gara. Honetarako, "Gimp" programa erabili dugu eta nahiz eta hasieran erabiltzen jakin ez, apurka apurka hartu diogu trukua. Horretarako hainbat "esperimentu" egin behar izan ditugu: irudia moztu, tamaina aldatu, kolorea aldatu, etab. Programa honekin bukatzeko formato ezberdinetan nola gorde daitekeen ikusi dugu, eta jpg formatuan gorde. Gimp alde batera utziz hainbat programa gehiago daudenez, horietako batzuk erabili ditugu klasean: Pixlr, Bomomo, Picturetrail, Fotoflexer, etab. Bakoitzak hauetako bat aukeratu eta nola erabiltzen den esploratu behar izan du eta ondoren klase aurrean azaldu dute batzuek nola erabili.

http://www.diezcuriosidades.com/2012/08/mi-experiencia-usando-gimp.html

Gainera, klasekide batzuk kalera joan dira binaka argazkiak ateratzeko. Bikote bakoitzari gai bat ezarri zaio eta horren inguruko argazkiak atera behar izan dituzte, gaiak hauek izan dira: Ura, abiadura, airea, denbora eta komunikazioa. Bukaeran guztiok ikusi eta baloratu ditugu bikote bakoitzak atera dituen argazkiak.


Azkenik, gehigarri modura irudiek izan ditzaketen plano ezberdinak ikusi ditugu:

• Plano generala
• Hiru laurdeneko planoa
• Plano laburra
• Pikatua
• Kontrapikatua

Irudiak editatzea beti gustatu izan zait. Nahiz eta lehendik zerbait banekien, gaurko klasean ezagutzen ez nituen baliabide berriak ezagutu ditut eta baliagarria izango zaidalakoan nago. Gainera, ikasten gabiltzan ogibidean gero eta presenteago daude teknologia berriak eta irakasteko metodologia ezberdinak jorratuz, irudien bidezkoa ere interesgarria izan daiteke eta horretarako hauek txukuntzen eta eskolarako apropos bihurtzen jakin beharko lukete irakasleek. 

Gogoeta 2014/10/22

Atzo izan genuen kurtsoko lehen klase magistrala IKT-n. Bertan web 2.0-ri buruzko hainbat gauza berri ikasteko aukera izan genuen teoriaren bitartez: oraindik garapen prozesuan dagoen zerbait dugu Web 2.0, hau da, beta fasean dago. Bukatzeko, web 2.0 zer den azaldu ondoren, honen barnean oso garrantzizkoak diren kontzeptu edo termino batzuk ikusi genituen: Estandarizazioa, bernahasketa, konbergentzia, partehartzea eta erabilerraztasuna hauen artean.

http://eu.wikipedia.org/wiki/Web_2.0

Orain, gaurko egunean izan dugun praktika klasea izango dugu hizpide. Bertan hainbat ariketa ezberdin egin ditugu, arlo ezberinak landuz.

Hasieran, http://consigna.ehu.es/ erbiltzen ikasi dugu. Honetarako "zip" dokumentuak sortzen ikasi dugu lehenik, dokumentuak konprimitzeko baliagaria dena eta ondoren EHU-k eskaintzen duen kontsigna zerbitzu horretara igotzen ikasi dugu. Oso baliagarria irduditu zait dokumentu ezberidnak bertan gordetzeko aukera ematen duelako eta beste petsona edo ikasle batek behar izanez gero lan edo apunte horiek eskura ditzakeelako. Gainera, gure artxiboak babestuago egoteko, pasahitzez babes daitezke. Hori bai, 200Mb-eko pisua izan dezakete gehienez eta 48 orduz besterik ez dira web horretan mantentzen, gero automatikoki desagertzen dira.

Kontsignaren erabilera aztertu ondoren, Power Point-ak modu egoki eta argi batean sortu ahal izateko jarraibide edo gomendio batzuk eman dizkigu Karmelek:

•  Diapositiba batean ez dira bost elementu baino gehiago sartu behar.
•  Mezua argia eta graduala izan behar da.
•  Letra tamaina egokikoa (24-tik  goragokoa) eta apaindurarik gabekoa izan behar da irakurketa errazteko. Kolorea ere ondo aukeratu behar da.
•  PPT-a erakargarria eta denek ulertzeko modukoa izan behar da, hartzailearen harreta eskuratzeko.

Hauek ikusita, PPT-en diseinuan oihikoak izan daitezkeen akats batzuk ikusi ditugu. Oso garrantzitsuak iruditzen zaizkit klase praktikoetan jorratzen ditugun gaiak, baina Power Point-en inguruan landu duguna irakasleen munduan ezinbestekoa iruditu zait. Irakasleek haien gaiak azaltzerako orduan formato honekin lantzen dituzte sarri eta horregatik honen menperatzea ezinbesteko ikusten dut, batez ere hezkuntzan.